ಬಾಲೆ ನೀನ್ಯಾರು?
ನನ್ನೆದೆಯ ಗುಡಿಯಲ್ಲಿಕಟ್ಟಿರುವ ಮನೆಯಲ್ಲಿ
ಬೆಚ್ಚನೆ ಕುಳಿತಿರುವ ಬಾಲೆ ನೀನ್ಯಾರು?
ಆಸೆಗಳು ಒಡಲಲ್ಲಿ ಕುಡುಗೋಲ ಕುಟ್ಟಿಹುದು
ಕಡೆವ ಮನಸಿನಲಿ ಬಯಲಾಟವಾಡಿಹುದು
ಮಿಡಿವ ಭಾವಗಳ ಅತ್ತಿತ್ತ ನೂಕುತಲಿ
ಬೆಚ್ಚನೆ ಕುಳಿತಿರುವ ಬಾಲೆ ನೀನ್ಯಾರು?
ಒಳಗೊಳಗೆ ಕೊರಗುತ್ತ ಕಳವಳದಿ ನೋಡಿದೆನು
ಕೈಗೆಟುಕದಂತೆ ನಿಂತಿರಲು ನೀ
ಒಳಗಿರುವ ಕಲರವದ ಕೂಗು ಕೇಳಿದರೂ
ಬೆಚ್ಚನೆ ಕುಳಿತಿರುವ ಬಾಲೆ ನೀನ್ಯಾರು?
- ಮೇಘನಾ
No comments:
Post a Comment